Qafqazda sülh strateji əhəmiyyət kəsb edir, İran Azərbaycan və Ermənistan arasında sülh prosesini dəstəkləyir.
İnsanhuquqları Teleqraf-a istinadən xəbər verir ki, bunu İran Prezidenti Məsud Pezeşkian İrəvanda keçirdiyi brifinqdə deyib.
İran prezidenti həmişə Ermənistanın ərazi bütövlüyünü dəstəklədiklərini və regionda istənilən güc tətbiqinə qarşı olduqlarını bildirib.
Onun iddiasına görə, problemlərin regiondankənar dövlətlərə ötürülməsi vəziyyəti daha da çətinləşdirir:
“Qonşularımız, xüsusən də qonşu Ermənistan üçün sülh və əmin-amanlıq istəyirik. İnanırıq ki, inteqrasiya və dostluq sülh üçün ən yaxşı amildir. Biz həmişə Ermənistanın ərazi bütövlüyünü müdafiə etmişik və regionda güc tətbiqinin əleyhinəyik. İran üçün Qafqazda sülh strateji prioritetdir və biz Ermənistan və Azərbaycan arasında sülh danışıqlarının tərəfdarıyıq. İranın mövqeyi Qafqazda sərhədlərin toxunulmazlığı ilə bağlı olub və hesab edirik ki, bu dəyişikliklər geosiyasi rəqabətə səbəb ola bilər”.
