2022-ci ilin yanvar-noyabr ayları ərzində 1364 nəfər əcnəbi Azərbaycandan daşınmaz əmlak alıb. 2021-ci ilin müvafiq dövründə satılan əmlakların sayı isə 1317 təşkil edib.
İqtisadiyyat Nazirliyi yanında Əmlak Məsələləri Dövlət Xidmətindən Xebertime.info-ın sorğusuna cavab olaraq bildirilib ki, bu il Azərbaycanda əmlak sahibi olanların əksəriyyəti Rusiya vətəndaşlarıdır.
Belə ki, 11 ayda təkcə Rusiya vətəndaşları 934 mülk alıblar. Növbəti sırada isə Gürcüstan (132), İran (53), Ukrayna (39), Qazaxıstan (36), Türkiyə (35) vətəndaşları qərarlaşırlar.
