Birləşmiş Millətlər Təşkilatının (BMT) baş katibi Antonio Quterreş Ukraynada nəzarətin bərpa olunduğu Borodyanka, Buça və İrpin şəhərlərinə səfər edib.
Quterreş Borodyankanın müharibədən zərər çəkmiş məhəllələrinə baxış keçirdikdən sonra: "Mən ailəmi o uçuq-sökük və qaralmış evlərdən birində təsəvvür edirəm. Nəvələrimin təşviş içində qaçdığını görürəm. Ailə üzvlərindən biri öldü. 21-ci əsrdə müharibə cəfəngiyyatdır, 21-ci əsrdə müharibə qəddardır, qəbuledilməzdir”, - deyib.
Buça səfəri zamanı o, Beynəlxalq Cinayət Məhkəməsinin prokurorlarının burada olmasından və baş verənləri araşdırmaqdan məmnun olduğunu açıqlayıb.
