Bakıda piyadanın ölümü ilə nəticələnən yol-nəqliyyat hadisəsi törətməkdə təqsirləndirilən Sadıx Tağıyevin cinayət işi üzrə ibtidai istintaq başa çatıb.
insanhuquqlari.az-ın məlumatına görə, toplanan cinayət işi materialları baxılması üçün Binəqədi Rayon Məhkəməsinə göndərilib.
İş hakim Zamiq Bağırovun sədrliyi ilə araşdırılacaq. Məhkəmənin hazırlıq iclasının vaxtı hələllik məlum deuil.
Qeyd edək ki, fevralın 13-də saat 09 radələrində Tağıyev Sadıq Şəmsi oğlu idarə etdiyi “Qaz 3307” yük markalı avtomobillə Binəqədi rayonu Binəqədi-Biləcəri şossesi döngə 9 ünvanında piyada 1962-ci il təvəllüdlü Zeynalova Tərlan Əjdər qızını vurub. Nəticədə qadın aldığı xəsarətlərdən hadisə yerində ölüb. S.Tağıyevə qarşı Cinayət Məcəlləsinin 263.2-ci maddəsi üzrə ittiham irəli sürülüb.
