Kürdəmir rayonunda iyunun 14-ü gecə saat 00:00-dan etibarən sərtləşdirilmiş karantin rejiminə start verilib.
Nazirlər Kabineti yanında operativ qərargahın qərarına əsasən, rayonun bütün kəndlərində və şəhər mərkəzində müvəqqəti karantin postları qurulub.
Bununla bağlı DİN-nin Daxili Qoşunlarının və Ağsu, Göyçay, Zərdab və Hacıqabul rayonlarının polis şöbələrinin əməkdaşları Kürdəmirə göndərilib.
Hazırda rayonun bütün kəndlərində və şəhər mərkəzində müvəqqəti təyin olunmuş karantin postları qurulub və reydlər davam etdirilir.
Qeyd edək ki, Kürdəmirlə yanaşı, ölkənin dörd şəhər və beş rayonunda da sərtləşdirilmiş karantin rejimi tətbiq olunub.
