Rusiya prezidenti Vladimir Putinin 150 yüksək rütbəli məmur və əsgəri həbs etdirdiyi iddia edilib.
Bu barədə Qərb mediası məlumat yayıb.
İddialara görə, Donbasdakı hücumlardan əvvəl Kremldə yüksək rütbəli şəxslərin, o cümlədən general-polkovnik Sergey Beseda saxlanılıb. Belə ki, DTK-nın varisi olan milli kəşfiyyat xidməti FSB-nin xarici kəşfiyyat idarəsinin rəisi vəzifəsində çalışan Beseda Moskvanın yüksək rejimli həbsxanalarından Lefortovoya köçürülüb.
Həmçinin Putin Beseda ilə birlikdə 150 məmuru işdən çıxarıb. Putinin müharibənin ləng getməsinin məsuliyyətini bu adların üzərinə qoyduğu da iddia edilib.
68 yaşlı Besedanın korrupsiya ittihamı ilə araşdırıldığı bildirilərkən,"Bellingcat"ın xəbərlərində Putinin Besedanı Qərbə məlumat sızdırmaqda ittiham etdiyi bildirilib.
