"Qarabağ"ın sabiq qapıçısı İbrahim Şehiç Şuşanın işğaldan azad edilməsini özünəməxsus şəkildə qeyd edib.
Axar.az xəbər verir ki, o, keçmiş komanda yoldaşı Elvin Yunuszadə ilə fotoşop edilmiş görüntüsünü paylaşıb.
Sözügedən fotoda Şehiçin Yunuszadə ilə Şuşaya getməsi əks olunub.
Qeyd edək ki, bosniyalı qapıçı İbrahim Şehiç 2013-2018-ci illərdə "Qarabağ"ın heyətində çıxış edib. Hazırda isə Türkiyənin "Konyaspor" klubunda karyerasını davam etdirir.
