Bakı Nəqliyyat Agentliyi paytaxt ərazisində mövcud dəmir yolu keçidlərində yol nişanları və nişanlanmadakı çatışmazlıqların aradan qaldırılması işlərinə başlayıb.
Agentlikdən AZƏRTAC-a bildirilib ki, görülən işlər çərçivəsində 33 məntəqədə çatışmayan yol nişanları quraşdırılıb. Növbəti mərhələdə müvafiq nişanlanma işləri də aparılacaq. Məqsəd avtomobil yolları ilə dəmir yolu xətlərinin kəsişmələrində hərəkətin təhlükəsizliyinin təmin edilməsi və qəza riskinin azaldılmasıdır.
