ABŞ-ın Nyu-York şəhərində Fransa Prezidenti Emmanuel Makronun İslam əleyhinə sözləri və “Charlie Hebdo” jurnalının nəşr etdiyi təhqiramiz karikaturalara etiraz edilib.
“Anadolu” xəbər verir ki, yüzlərlə türk və müsəlman icma üzvü Manhettendəki Fransa Baş Konsulluğunun yerləşdiyi binanın qarşısında toplaşıb.
Onlar “Peyğəmbərimizə hörmət et”, “Peyğəmbərimiz bizim şərəfimizdir”, “İslamofobiyaya yox!” kimi şüarlar səsləndiriblər.
Yağış altında təxminən iki saat davam edən etiraz aksiyası insidentsiz başa çatıb.
